Сообраќајот меѓу два града прекинат поради одрон
Објавено во: Македонија 04 Април, 2018
Сообраќајот на патниот правец Кичево- Демир Хисар од 19.10 часот вечерва е во целосен прекин поради одрон на земјиште кај село Кладник, информира АМСМ.
На патниот правец Макази – ГП Маркова Нога поради свлечиште кај месноста Долги Рид сообраќајот се одвива по една коловозна лента во должина од 150 метри. На самото место поставена е соодветна сообраќајна сигнализација.
Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.