Социјалните партнери дадоа зелено светло за „Македонија вработува“
Објавено во: Економија 03 Април, 2015
Новиот владин проект „Македонија вработува“ денеска доби поддршка од екомско социјалните партнери со кој Владата планира да вработи околу 150 илјади невработени до 35 години, лица од 35 до 50 години кои повеќе од 10 години се без работа, лицата над 50 години, невработени од ранливите категории граѓани и лицата постари од 58 години.
Синдикалните организации и организациите на работодавачи дале зелено светло за овок проект после завршувањето на седницата на ЕСС
- Овие мерки треба да помогнат за зголемување на вработувањето, ќе претставуваат значително олеснување за приватните компании со цел да отворат нови работни мета, но и ќе помогнат во зголемувањето на конкурентноста на пазарот на трудот на ранливите категории граѓани, како и на повозрасните категории, рече Спасов.
Тој вели дека со овие мерки ќе се постигне голем опфат на невработени лица кои ги исполнуваат критериумите и влегуваат во групата невработени кои би можеле во иднина да ги искористат мерките за вработување.
Повика сите невработени да аплицираат на јавните повици веднаш штом ќе стапат на сила овие мерки, а ги повика и приватните компании да земат учество во реализацијата на истите.
Од Сојузот на синдикатите на Македонија (ССМ) велат дека синдикатите поддршката ја дале поради тоа што сметаат оти пакетот мерки претставуваат уште еден дополнителен пресврт во борбата против невработеноста.
Анета Петровска Русомарски од Организација на работодавачи посочи дека на компаниите кои ќе ги користат овие мерки, кои, како што рече, се во голем број и повеќе во групата мали и средни претпријатија, ќе им се овозможи оптимизирање на персоналните трошоци и ќе бидат поконкурентни на пазарот.