Советниците од ВМРО-ДПМНЕ ги бојкотираа советите во Берово и Куманово
Објавено во: Македонија 06 Декември, 2017
Советниците од Коалицијата „За подобра Македонија“ ја напуштија денешната седница на Советот на општина Куманово во знак на револт за притварањето на членови на ВМРО-ДПМНЕ за настаните од 27 април годинава.
„Сведоци сме дека се врши притворање на луѓе околу нас кои размислуваат поинаку од актуелната власт и апсурдно е во такви услови, ние тука да разговараме за буџети или да разгледуваме финансиски извештаи за работа на јавните претпријатија“- вели координаторот на советничката група, Драган Петковски.
Седницата на Советот, сепак се одржа, бидејќи имаше кворум.
Советничката група на ВМРО - ДПМНЕ ја бојкотираше вчерашната седница на Советот во општина Берово во знак на револт поради, како што истакнаа членовите, политичкиот прогон и апсењето на македонските патриоти кои се товарат за тероризам и загрозување на уставниот поредок на земјата по настаните во Собранието на 27 април.
Претседателот на Советот Јован Матеничарски ја квалификува ваквата одлука на советниците од ВМРО-ДПМНЕ како несериозна и неодговорна кон гласачите и граѓаните.
„За притворите и делата треба да дискутираат судот и надлежните органи и тоа нема никаква врска со работата на Советот на Општина Берово, како и со денешните точки на дневен ред“- истакна Матеничарски.
Зависно од политичките случувања, советничката група ќе заземе став за натамошната работа во Општината.Вчера и во Ѓорче Петров советниците го направија истото.
Можеби ќе ве интересира
Трагедија во Штип: Едно лице почина, а друго се бори за живот по повреди добиени во лифт во угостителски објект
По три часа состанчење ДУИ одлучи: Еве со кој ќе го формираат ставот за прегласувањетo на одредени избирачки места
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
Град Скопје обвинува дека „Дизниленд Реквизити“ незаконско и насилно монтира панорамско тркало: Кој се крие зад чаирската фирма?
