„Споменикот на Мајкл Џексон“ со премиера во Карлови Вари
Објавено во: Стил 18 Јуни, 2014 10:58
Копродукцискиот филм „Споменикот на Мајкл Џексон“ на сценаристот и режисер Дарко Лунгулов во кој копродуцира Македонија, ќе ја доживее својата светска премиера на 7 јули, на угледниот фестивал од А категорија во Kарлови Вари. Филмот е селектиран во натпреварувачката програма „Источно од Западот“.
Филмот е црна комедија, во која режисерот Лунгулов низ приказната на Берберот Марко се обидува да ни ја прикаже социјалната приказна на неколку карактери и нивната судбина во едно мало место на Балканот. Берберот Марко во еден момент се решава на очајнички потег да го спаси својот брак и со тоа да ја импресионира својата жена Љубинка, а воедно да го оживее своето гратче кое е на умирање, решава да му подигне споменик на поп идолот Мајкл Џексон.
Главните улоги ги толкуваат Борис Миливојевиќ и Драган Бјелогрлиќ, а адна од главните улоги од кај нас ја толкува Тони Михајловски, а помали, но значајни епизодни улоги од Македонија имаат Петар Мирчевски и Жаклина Стефковска. Во филмот од останатата актерска екипа играат и Бранислав Трифуновиќ, Наташа Тапушковиќ, Мирјана Kарановиќ, Љубомир Бандовиќ…
Филмот се снимаше во Србија и Македонија, а од Македонија во филмот учествуваа и сценографот Kирил Спасески, снимателот на звукот Игор Поповски, бум-операторот Дарко Бошковски, а продуцент на филмот е Огнен Антов. Kопродуценти на филмот се и Германија и Хрватска. Филмот е финансиски поддржан и одФилмскиот фонд на Република Македонија. Публиката во Македонија ќе го види филмот во почетокот на ноември.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
