Спорниот тендер за радарски систем го стави Рашковски под лупа на ОЈО

Добивај вести на Viber

Генералниот секретар на Владата, Драги Рашковски сер најде под лупа на скопското обвинителство.

Од оваа институција денеска соопштија дека е отворен предмет по допрен глас.

Станува збор за случајот со спорниот тендер за радарскиот систем за контрола на летање кој го добил „Леонардо“.

Имено, тој тендер чинел еден милион евра поскапо од поевтината понуда според деталите од евалуацијата која се одвивала во текот на минатото лето.

Од четири понудувачи во првата фаза на евалуација, во втората понуда доставиле  од само 2 понудувачи - „Леонардо“ од Италија и „Индра“ од Шпанија. „Леонардо“ на тендерот има понудено 1 милион евра поскапа цена од  „Индра“, со тоа што првиот понудувач е прогласен дека целосно ги исполнува техничките барања 

Оваа постапка не се водела согласно Законот за Јавни набавки бидејки се финансирала целосно од страна на Европската банка за обнова и развој.

Интересно е тоа што додека траела постапката во текот на есента лани околу половина час македонското небо не било покриено со радарска слика од системот на радари во Македонија. Прекинот на радарската слика се случил по интервенција на радарот во Охрид. За падот на системот бил информиран центарот во Брисел и оттаму била воведена рестрикција на летови на македонското небо. 

По интервенција на службите во МНАВ проблемот беше идентификуван и надминат, по што се продолжило со безбедно давање на услугите во воздухопловната навигација. 

Според опозицијата, од објавениот прислушкуван разговор се заклучува дека Рашковски влијаел „Леонардо“ да го добие овој тендер.