СПРЕЧЕН ТЕРОРИСТИЧКИ НАПАД НАД ИТАЛИЈА: Анонимуси не престануваат со борбата против џихадистите
Објавено во: Свет 27 Декември, 2015
Анонимуси соопштија денеска дека спречиле терористички напад на „Исламска држава“ во Италија заблагодарувајќи се на тоа што по нападите во Париз ги заголемиле своите хакерски активности против џихадистите.
„Овој месец работиме во тишина. Веќе спречивме еден напад на „ИД“ во Италија, а се надеваме дека ќе спречиме и други напади“, објавија „Анонимуси“ на Твитер „Операција Париз“, пренесе „Дејли меил“.
„Анонимуси“ ветиле дека на интернет ќе ги прогонуваат џихадистите веднаш по терористичките напади од минатиот месец во Париз, во кој животот го загубија 130 луѓе.
Не се објавени повеќе детали за планираните терористички напади во Италија.
Експертите предупредуваат дека социјалните мрежи се едно од најмоќните оружја во рацете на „ИД“, со помош на кои џихадистите комуницираат со своите симпатизери низ целиот свет.
Нивните активности се следат од гупата „Анонимуси“ кои од неодамна објавија список на Твитер за тоа кои се пропагандите на џихадистите.
На налогот „Операција Париз“, „Анонимуси“ ги повикуваат своите припадници да ги хакуваат сајтовите на „ИД“ со што би украле важни податоци и да ги објават на интернет.
„Анонимуси“ во почетокот на декември започнаа голем сајбер напад над Турција, обвинувајќи ги членките во таа земја дека ја поддржуваат „Исламска држава“.