СРБИЈА: Голема измама со лебот„Тонус“ – лажно рекламирале дека лекува канцер

Во компанијата „Тривит“ велат дека правно гледано имаат договор за лиценца со фирмата „Akademprodukt“ од Русија, но дека креатор на „тонус“ лебот е академик Владимир Антонов. -Тој технологијата за произведување на ја развивал во рамки на Руската академија на науки и тоа е единствен клинички испитан леб. Сметам дека законот кој пропишува дека само лековите лекуваат е донесен под влијание на фармацвтската индустрија која спречува дека се говори за вистински својства на храна-вели директорката на  „Trivit“ Милена Јакшиќ. Освен повикување на Руската академија на науки, на порталот на компанијата „Trivit” „tonus“ до неодамна е опишуван како „лековит“, а речено е и дека „лекува дијабетес“ и го „запира развојот на онколошки заболувања“, додека сега на амбалажата може да се прочита дека „блокира канцерогени материи“ и дека е „користен за лекување на дијабетес“. Нутриционистот Бранка Мирковиќ, како што пренесува блиц, вели дека овој леб не може да лекува и дека би требало да се воведе ред во рекламирање на вакви производи. -И понатаму постојат луѓе кои слепо веруваат кога им кажете дека нешто лекува. Овој леб, ниту било кој друг, не може да лекува. Лековите лекуваат. И затоа потрошувачите се доведени во заблуда. Да е се така како што се рекламира, тој производ би бил доста скап. Дури и да има некои такви својства кои се наведени, се работи за мали количини кои немаат никаков ефект - објаснува докторката Мирковиќ. Таа вели дека е потребно да се провери и составот на лебот и да се утврди дали се содржат сите спомнати состојќи кои се споменуваат на амбалажата.