Србија ќе воведе санкции за Русија?
Објавено во: Балкан 31 Јануари, 2023
Српскиот министер за надворешни работи Ивица Дачиќ навести можни санкции за Русија.
Дачиќ спомена дека Белград може да го промени курсот и да воведе санкции кон Русија, што е едно од клучните барања на ЕУ за Србија да напредува во преговорите за членство во ЕУ, пренесува ЕУРОАКТИВ.
„Го осудуваме нарушувањето на територијалниот интегритет на Украина и на тој начин гласавме во меѓународните тела. Дали ќе воведеме санкции кон Русија е друго прашање. Тоа не е прашање на време или рокови, тоа е прашање што се однесува на нашите политички и економски интереси“, изјави српскиот министер.
Србија е една од ретките држави која не воведе санкции за Русија. Многу странски земји бараа Србија да не седи на две столчиња, односно да се одлучи дали планира да оди во ЕУ или ќе негува добри односи со Русија. Санккците се воведени со цел Русија финансиски да биде погодена и војната да запре.