Србите на анкета одговорија дека Грците им се најдобри пријатели
Објавено во: Балкан 17 Септември, 2020
За Србите Грција е најдобриот пријател.
Повеќе од две третини од српските граѓани сметаат дека Србија има корист од соработката со Европската унија, но без оглед на тоа, поддршката за влез во ЕУ благо опаѓа, па сега таа изнесува 49,1 процент.
Oва го покажува најновото истражување на Институтот за европски прашања, според кое јавноста сè повеќе верува во добри односи со Соединетите држави.
Според ова истражување, поддршката за влез на Србија во ЕУ е намалена за седум проценти во последните две години, бидејќи во 2018 година 56 проценти од граѓаните беа за влез на Србија во ЕУ, а 53 проценти лани.
Просечната оценка на односите меѓу Србија и ЕУ, малку падна од минатогодишните 2,68 на 2,66 на скала од еден до пет.