СРПСКИ ПОЛИТИКОЛОГ: Рецептот за Палестина и Украина за размена на територии може да се тестира на Косово
Објавено во: Балкан 14 Ноември, 2024
Според српскиот политиколог Огњен Гогиќ, рецептот за Палестина и Украина за размена на територии може да се тестира на Косово.
„Балканот ќе биде ниско на листата на приоритети на администрацијата на Доналд Трамп, со оглед на неговиот фокус на Кина, Блискиот Исток и Украина“, изјави познатиот српски политиколог Гогиќ.
Сепак, тој предупреди дека Косово може да биде преседан, доколку не се најдат решенија за светските конфликти, објавија косовските медиуми.
Тој презентираше дека првите назначувања во новата американска администрација укажуваат на тоа дека тие се „јастреби“ кои ќе се занимаваат со Кина, Блискиот Исток и поддршката за Израел.
Гогиќ потсетува дека Балканот не добил никакво внимание за време на кампањата и наведува дека нема индиции дека и сега би бил високо на агендата, бидејќи има поважни глобални прашања за Америка.
Како што додаде, сегашната администрација на Џозеф Бајден не направила многу, ниту се занимавала со регионот на Западен Балкан, бидејќи почнале војните во Украина и Газа.
„Како што Србија и Република Српска сега со нетрпение го очекуваат доаѓањето на Трамп и сметаат дека е поволно за нив, Сараево и Приштина очекуваа повеќе од Бајден“, вели тој.
Тој претпоставува дека дури и Трамп нема да има некој особен интерес да се занимава со Балканот, освен во случај кога нашиот регион е поврзан со некое друго прашање.
„Веќе сега се сугерира дека еден од начините за излез од војната во Украина е отстапување територии на Русија“, посочи тој.
Гогиќ потсети дека Трамп некогаш имал мировен план за Израел и Палестина, кој вклучувал и одредени територијални отстапки.
„Ако одиме кон таа територијализација на овие конфликти, тогаш Косово може да се појави како преседан на кој подоцна ќе се тестира некој мировен рецепт за Палестина и Украина“, оценува Гогиќ.
Тој потсетува дека за време на првиот мандат на Трамп овде се разговарало за можноста за размена на териториите на Србија и Косово.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
БУГАРИЈА ЗАРАДИ МАКЕДОНИЈА ЈА БЛОКИРАШЕ И СРБИЈА? „Да ме праша Господ што сме им згрешиле на Бугарите, нема да знам да ви одговорам“ - блокирано отварањето на кластерот 3 за Белград
ЌЕ ОДАТ ВО ХАГ: Уапсени поранешни команданти и членови на УЧК во Косово
„СЛОБОДНА БОСНА“ ОБЈАВИ НАВОДЕН НОН-ПЕЈПЕР: Србија, Црна Гора, Косово и БиХ на конференција за мир да ги решат несогласувањата, инаку нема влез во ЕУ
ВУЧИЌ: Бог да ме праша што сме им згрешиле на Бугарите, не би знаел да му кажам
ВУЧИЌ: Бараат да го признаеме Косово, ние не сме заинтересирани
РИКЕР: Потрошивме многу време фокусирајќи се на Балканот
ХОРОР ВО ХРВАТСКА - во семеен двор пронајдени телата на две новороденчиња
ВУЧИЌ ЗА ПРОТЕСТИТЕ ВО НОВИ САД: Во Србија нема да има македонско сценарио
ПОВРЕДА НА ДЕСНОТО ОКО СО ГУБЕЊЕ НА ВИДОТ И ИЗГОРЕНИЦИ ПО ЛИЦЕТО - 14-годишно момче од Загреб со тешки повреди од петарда
