Која скопска фирма од државата за одржување и чистење ќе земе 8 милиони евра за три години?
Објавено во: Економија 13 Ноември, 2024
Октомври е златен месец за скопската фирма „Ланд – сервис“. Во два тендери во ист ден оваа компанија доби тригодишен бизнис вреден 8 милиони евра. Станува збор за тековно одржување на државни објекти како и за одржување на хигиената во нив. „Ланд-Сервис“ кој лани за цела година приходувал вкупно 1,7 милиони евра сега само од едниот тендер на СОЗР ќе земе толку пари годишно.
„Ланд-сервисис“ ДООЕЛ Скопје, за која што веќе пишувавме, е добитник на уште еден милионски тендер од владината Служба за општи и заеднички работи. Овој пат станува збор за тековно одржување и тоа во три години ќе чини 3,6 милиони евра.
Услугата за тековно одржување се однесува на водовод, електрика, термо-технички инсталации, градежно-занаетчиски работи, столарски и општи работи. Договорот трае три години.
Станува збор за одржување на вкупна површина на државни објекти во износ од околу 105.000 квадратни метри. Од таа површина внатрешен простор односно канцеларии се 87.353 квадратни метри, а подрумски простории и гаражи се 17.455 квадратни метри.
За одржување на квадратен метар канцелариски простор СОЗР ќе плати 9 евра месечно (без вклучен ДДВ), а за тековно одржување на квадратен метар гаражи и подрумски простории се плаќа 0,36 евра месечно.
Договорот за овие услуги го добила скопската компанија Ланд-сервис ДООЕЛ која за три години од државниот буџет ќе наплати 3,61 милиони евра (без ДДВ).
Договорот меѓу СОЗР и прилозите се јавно достапни на следниот линк https://e-nabavki.gov.mk/PublicAccess/home.aspx#/contracts/0
Заедно со набавката на услуги за чистење и одржување хигиена во канцеларии, тоалети, ходници, гаражи, подруми, надворешни површини и патеки за кои веќе пишувавме. „Ланд -сервис“ за три години од државниот буџет ќе наплати 8 милиони евра.
Повеќе детали за овој тендер на овој линк https://faktor.mk/koj-kje-brishe-prashina-vo-drzavni-kancelarii-i-za-toa-kje-naplati-455-milioni-evra
Кој е „Ланд -сервис“?
Според официјални достапни податоци од ЦРМ станува збор за скопска фирма чија основна дејност е чистење згради. Оваа година за „Ланд -сервис“ е посебна, затоа што таа ќе добие два државни тендери вредни 8 милиони евра. Сопственик на компанијата која лани оствари приход од 1,7 милиони евра и добивка од 60.000 евра е Нектариос Николаидис. „Ланд – сервис“ вработува 200 лица, а е основана во 2006 година.
Р.Ф.foto freepik.com/thanyakij-12
Можеби ќе ве интересира
ПОЧИНА МИОДРАГ КОСТИЌ: УГЛЕДЕН БИЗНИСМЕН, ОСНОВАЧ И ПРЕТСЕДАТЕЛ НА „МК ГРУП“ - замина во 65 година, ќе се памети по големата општествена одговорност
„ЕВРОПА ДА СЕ ПОДГОТВИ ЗА ТРГОВСКА ВОЈНА СО САД“: Сериозно предупредување од Оли Врен
ОВА Е СЀ ШТО ТРЕБА ДА ЗНАЕТЕ ЗА МАКЕДОНСКИТЕ ПРОФИТИ, КОЈ И ЗОШТО ДОЈДЕ НА ВРВОТ - Фактор анализа за најдобитните 20 котирани друштва
Фирма од Дубаи стана сопственик на хотел од строгиот центар на Скопје
АКО ПЛАНИРАТЕ НОВА ИНВЕСТИЦИЈА ЕВЕ КАДЕ ИМА НАЈМНОГУ РАБОТНИЦИ - Скопје и околината не се меѓу нив
НУДАТ ПЛАТА ОД 1.600 ЕВРА, НО НЕ МОЖАТ ДА НАЈДАТ РАБОТНИЦИ: Се бара керлнер/ка и под дрво и по камен
ОВА Е НОВАТА ВЕТЕНА ЗЕМЈА: „Половина плата ми беше доволна за живот“
ЕВРОПА СЕ ТРЕСЕ ОД ТАРИФИТЕ НА ТРАМП: Кои земји се најмногу на удар?
СЕКОЈ ЖИТЕЛ ЌЕ ДОБИЕ ПО 450 ЕВРА: Парите од нафтата Гвајана ги дели на граѓаните
