Станбен или потрошувачки кредит? Еве за каков заем има подобри услови

Добивај вести на Viber

Граѓаните се подлабоко влегуваат во кредитните картички и заглавуваат во долгови. Истовремено освен долгот, расте и побарувачката за потрошувачките кредити.

Банките за една година им одобриле на граѓаните 14, 7% повеќе потрошувачки кредити, а нивниот долг пак изнесува 1,2 милијарда евра, покажуваат податоците на Народна Банка.

Поради тоа, банките во следниов период ќе преземат мерки за заострување на условите за земање на потрошувачки кредит.

 „За наредниот период, банките очекуваат умерено нето-олеснување на вкупните кредитни услови, со слична динамика како и во претходната анкета. Сепак, во рамки на индивидуалните типови кредити, се очекува позначително нето-олеснување на условите за одобрување станбени кредити, при умерено нето-затегнување на кредитните услови на потрошувачките кредити, што е прва ваква промена по 2011 година“, соопшти НБМ.

Гувернерот на Народната банка, Димитар Богов во декември најави дека банките ќе го стегнат ременот за потрошувачките кредити. Тој објасна дека целта е да се намалат потрошувачките кредити кои постојано биле во пораст, за од друга страна банките повеќе да даваат короративни и станбени кредити.

Мерката за ограничување на издавање на долгорочни потрошувачки кредити ќе важи за оние што ќе се одобруваат по 1 јануари 2016-та година. Дополнително ќе се затегнуваат и пречекорувањата на трансакциските и кредитните картички.

НБМ го прави овој потег со цел да го забави трендот на поторшувачки кредити откако е забележан пораст на проблематичното портфолио на овој тип заеми во последниве неколку месеци.