Босна се пребројува, Македонија за попис абер нема

Добивај вести на Viber

Опозициските НСДП и ЛДП побараа одговор, дали во земјава ќе се спороведе попис. Министерот Ставрески вели, догодина нема пари за оваа статистичка операција. Две години од неславното пропаѓање на пописот во земјава, а поттикнати од најавите дека од денеска и во Босна и Херцеговина властите започнаа со пребројување на населението, НСДП и ЛДП побараа одговори од надлежните. Според ЛДП, Македонија е како Босна и Сомалија, единствените земји во светот без капацитет да спроведат попис на своето население. Пописот во 2011 година беше прекинат пред самиот крај и без образложение, велат од партијата , а за операцијата од буџетот се потрошија 14 милиони евра. Од НСДП прашуват запрашаа дали пописот не е спроведен бидејќи владата сака да ја сокрие реалноста дека огромен број од населението, главно млади луѓе се веќе иселени од Македонија или се одложувањето се сака да се прикрие фактот дека како што велат, Избирачкиот список со речиси милион и 800 илјади избирачи е фиктивен.Од партијата велат дека било очигледно дека владата на ВМРО-ДПМНЕ и ДУИ со своите политики ја сместуваМакедонија на дното во регионот. „Зошто до денешен ден, ниту премиерот Никола Груевски, ниту неговиот коалициски партнер Али Ахмети не излегоа пред јавноста да дадат одговор како и зошто пропадна пописот во 2011? Која е вистинската причина за прекинувањето на пописот во 2011 година? Кој ќе ја сноси одговорноста за последиците од неспроведувањето на оваа статистичка операција?“, се нагласува во соопштението. Од името на Владата одговор дали ќе има попис догодина даде министерот за финансии, Зоран Ставревски, кој треба да најде пари за негово спроведувањеа. Според него, во буџетот за 2014 година нема обезбедено такви средства.Ниту следната година нема да биде организиран попис на населението, потврди вицепремиерот и министер за финансии, Зоран Ставревски. „Не е планиран попис на населението за идната година и затоа нема планирани средства во Буџетот за 2014 година кои би биле наменети за негово реалзирање“, изјави Ставревски.