Стефан Богоев поканет на молитвен појадок кај Доналд Трамп
Објавено во: Македонија 01 Февруари, 2020
Стефан Богоев, градоначалникот на Општина Карпош од редовите на СДСМ, објави дека е поканет да присуствува на молитвениот појадок кај претседателот на САД, Доналд Трамп, кој традиционално го организира Белата Куќа.
„Од понеделник, ќе бидам во посета на Соединетите Американски Држави, при што ќе учествувам и на Националниот молитвен појадок.
Ќе имам средби со повеќе конгресмени, како и со претставници на National Democratic Institute и International Republican Institute (IRI).
Овој настан обединува повеќе од 3.500 гости, светски лидери, претставници на бизнис секторот, верски водачи и истакнати личности кои зборуваат на политички и социјални теми“, напиша Богоев на својот службен профил.
Тој засега е вториот поканет политичар од Македонија која го потврдил присуството во јавноста, откако пред два дена тоа го стори и Александар Николоски, потпретседателот на ВМРо-ДПМНЕ.
„Ја имам честа следната недела да бидам поканет на молитвениот појадок кој го организира претседателот на САД, Доналд Трамп и така што во Вашингтон ќе ја имам таа ретка можност да присуствувам на молитвениот појадок, да се сретнам со бројни светски лидери и да размениме мислењ. Ова е потврда за политиките на ВМРО-ДПМНЕ кој што отсекогаш биле и остануваат насочени кон тесна соработка со САД, истакна Николоски во вестите на Канал 5.