СТИГНА ВТОРАТА ПРАТКА ОД СРПСКАТА ДОНАЦИЈА НА ВАКЦИНИТЕ: За Спутник V има драфт договор за набавка на 100.000 дози

Добивај вести на Viber

На граничниот премин Табановце пристигна и втората пратка од донацијата на вакцините од компанијата Фајзер, од соседна Србија. Министерот за здравство, Венко Филипче лично го пречека неговиот колега, Златибор Лончар, кој му ги предаде вакцините.

Министрите оттаму порачаа дека и покрај вакцинирањето на населението, се уште не треба да се опуштаат граѓаните бидејќи бројот на новозаразени расте. Министерот Лончар сподели и нивни искуства од процесот на вакцинацијата во Србија каде досега се вакцинирани повеќе од милион граѓани

-Ги следиме несаканите дејства, но тоа се вообичаените нус ефекти кои се јавуваат и кај другите вакцини. Обично станува збор за црвенило на местото на убодот, блага болка во таа рака, евентуално малку повишена температура, малаксаност, но немаме некои посериозни несакани дејства. Ние и понатаму ќе правиме анализи, тоа е и наша обврска, сега ни е најважно да набавиме што поеќе вакцини и да вакцинираме што повеќе луѓе. Инаку сите вакцини се поддекнаво безбедни, единствената разлика межу нив е тоа што некои создаваат побрзо антитела, некои малку подоцна, но според контролата на нашата Агенција за лекови сите се ефикасни и безбедни. Целта ни е да вакцинираме повеќе од 2 и пол милиони луѓе, досега вакциниравме повеќе од милион и ревакциниравме, но посебно би сакал да истакнам дека кога ќе се прими првата доза не смее да има опуштање. Нас ни се случува луѓето да ја примат првата доза и веднаш да ги фрлат маските. И секако имаме случаи кои се заразуваат веднаш по примањето на првата доза, порача српскиот министер за здравство, Лончар.

Инаку, денеска пристигнаа точно 3.510 дози, па со претходните 4 680, вкупната донација од Србија е 8.19о дози, за кои министерот Филипче истакна дека се доволно за да асе вакцинираат здравствените работници кои работат во ковид-центрите. Според утврдената динамика, дневно се вакцинираат меѓу 250 до 300 здравствени работници.

Тој  истовремено нагласи дека се уште се водат разговори за набавка на вакцините, но не кажа конкретен датум кога ќе пристигнат и оние од Факзер, како и вакцините од Кина, за кои имаат и писмена комуникација.

-Најавите од производителот АстраЗенека, преку Ковакс механизмот се дека на почетокот на март треба да пристигнат 20.000-30.000 вакцини на почетокот на март, а што се однесува пак до руските вакцини, како што најави премиерот Заев, станува збор за количина од 100.000 Спутник V, за што веќе го добивме и драфт договорот и за тоа денеска ќе има затворена седница на Владата на која што треба да го усвои драфт договорот, рече министерот Филипче.