СТРАШНА ТРАГЕДИЈА ВО ЕГИПЕТ: шест лица загинале, десетина се повредни откако потонала туристичка подморница кај Хургада

Добивај вести на Viber

Се стравува дека најмалку шест лица загинале, а уште девет се повредени откако туристичка подморница потонала утрово во водите на Црвеното Море во Египет, во близина на градот Хургада.

Дваесет и девет други луѓе се спасени. Повредените, меѓу кои четворица во критична состојба, се пренесени во блиските болници.

Се верува дека во подморницата имало околу 40 туристи.

Според екипите на Би-Би-Си во Каиро подморницата се вика Синбад и потонала во близина на пристаништето. 

'Six dead after tourist submarine sinks off Egypt'
-The tourist submarine, named Sindbad, had been carrying 44 passengers at the time of the sinking on Thursday, as it sailed off the coast of Hurghada.https://t.co/8iNcg4MpQ2 pic.twitter.com/FALqQBnI1s

— Rex (@thenorthsignal) March 27, 2025

Дел од медиумите јавуваат дека туристичката подморница по име Синбад превезувала 44 патници додека пловела во близина на брегот на Хургада.

Управата за безбедност на Црвеното Море добила дојава за потонување на туристичка подморница пред пристаништето на „познат хотел“ кој се уште не е именуван.

Патниците од „различни националности“ биле на патување за да ги видат коралните гребени во Египет пред да потоне бродот.

Според локалните медиуми, подморницата веќе неколку години оперира со туристички патувања во Хургада.