СТРАВОТ ОД ЧЕТВРТИОТ БРАН ГИ НАПОЛНИ ВАКЦИНАЛНИТЕ ПУНКТОВИ, СЕ ЧЕКА И СО ЧАСОВИ - само вчера дадени близу 18 илјади вакцини

Добивај вести на Viber

Како расте бројот на заразени со корона вирусот, а се полнат и болниците низ земјава, така расте и интересот за вакцинација.

Оне што можеби беа скептични кон вакцинте, сега поитаа да се имунизиаат,

Тоа вчера создаде и метеж и турканици во некои вакцинални пунктови.

МЗ соопшти дека во текот на вчерашниот ден е забележан значително зголемен интерес за вакцинација помеѓу граѓаните. 

„Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 543.597 граѓани. Прва доза вакцина вчера примиле 8.030 граѓани, а вчера вкупно се вакцинирале 17.679 граѓани. Во државата вкупно се аплицирани 982.645 дози вакцини, а ревакцинирани се 439.048 граѓани“, велат од МЗ.  

Со последните бројки 66 отсто од населението над 70 години имаат примено барем една доза вакцина, 63 отсто од населението над 65 години е вакцинирано со барем една доза вакцина, 59 отсто од населението над 60 години е вакцинирано со барем една доза вакцина и 48 проценти од населението над 50 години е вакцинирано со барем една доза вакцина.

„Граѓаните без закажан термин се вакцинираат, во постоечките вакцинални пунктовите низ државата. Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Сајтот vakcinacija.mk е отворен за закажување на термини за вакцинација на децата.  

Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста се намалува шансата од заболување како и смтрен исход од истата“, потенцираат од МЗ.