СТРУЈАТА ЌЕ МОРА ДА ПОСКАПИ - Вучиќ: Ќе гледаме нејзината цена и понатаму да биде исклучително ниска
Објавено во: Балкан 21 Мај, 2022
Претседателот на Србија, Александар Вучиќ денеска изјави дека цената на струјата ќе мора да се зголеми, но дека тоа сигурно нема да биде „преку ноќ“, и дека властите ќе се обидат да ја одржат на ниско ниво, иако повисока од претходно.
Зборувајќи за ТВ Пинк за цената на струјата и поскапувањето, Вучиќ рече дека струјата во Србија е најевтина во Европа, порано беше во Украина, но откако изби војната, не е, како во Грузија.
„Никој во Европа веќе нема цена како во Србија. Таа е суштински општествена категорија кај нас, што според ЕПС не е фер, но така е, рече Вучиќ.
- Ќе се обидеме да ја задржиме цената и понатаму исклучително ниска, но таа во одреден момент ќе мора да се зголеми, додаде претседателот.
Тој објасни дека и кога се најавува поскапување на струјата, мора да поминат месец-два додека да биде одобрено од агенцијата, така што тоа секако не може да се случи „преку ноќ“.
Тој додаде дека мора да се зачува финансиската стабилност на државата, но и дека мора многу да се инвестира во ЕПС, за да не се ископаат 60.000-70.000 тони, туку 90.000 тони јаглен и системот да биде одржлив.
Тој посочи дека мора да се работи и на изградба на нуклеарни централи, додавајќи дека со унгарските партнери денеска разговарал Србија да „влезе“ во дел од унгарската нуклеарна централа Пакс, за да плати за нејзиниот дел 1,8 милијарди.
Вели дека би „влегле“ во хидроцентралите Џердап или Бистрица, бидејќи им требаат реверзибилни извори.
„Мораме да размислуваме за обновливите извори на енергија, вие тогаш имате најсилна позиција. Тоа се прашања за разговор и не ме интересира дали некој од политичарите ќе каже нешто. Кога немаат што да критикуваат, зборуваат за институционализација“, рече Вучиќ.
Извор: Блиц.рс, Танјуг