Студија: Сe на Земјата веќе е отров, дури и ние

Добивај вести на Viber

Луѓето испуштаат над 250 милијарди тони хемикалии кои се штетни како за човештвото, така и за животот насекаде на планетата, соопшти сајтот PhysOrg.

„Земјата и целиот живот на неа се заситени со хемикалии на невиден начин за целата историја на планетата"- изјави Џулијан Криб, автор на „Преживејте  во 21-тиот век". 

Тој вели дека во секој момент од нашиот живот сме изложени на илјадници од овие материи. 

„Тие влегуваат во нашите тела со секое вдишување, јадење или пијалок, со облека, козметика, со предметите во домовите, канцелариите и местата на кои живееме. Труењето на планетата со хемикалии е веројатно најзначајното човечко влијание врз Земјата, но тоа е слабо разбрано и регулирано. Ова е еден од 10-те основни егзистенцијални ризици пред човештвото"- предупредува Криб.

Загадувањето на океаните со пластика - 8 метрички тони годишно, опасен отпад - 400 метрички тони годишно, јаглен, нафта, гас - 15 гигатони годишно, уништена почва - 75 гигатони годишно, метали и материјали 75 гигатони годишно, загадена вода - 9 трилиони тони годишно.

Индустриски отрови веќе редовно се откриваат во новородени бебиња, во млекото на мајките, во синџирот на исхрана, во водата за пиење низ целиот свет.

Еден од проблемите кои политичарите и производителите игнорираат, е дека хемикалиите дејствуваат во комбинација, постојат во соединенија и постојано се менуваат. На едно место една хемикалија може да не е штетна,  но во комбинација со илјадници други можни хемикалии, може да се претвори во ризик.