Студот во регионот однесе и човечки живот
Објавено во: Балкан 17 Декември, 2018
Во студениот бран кој ја погоди соседна Србија има и жртва. Телото на 50-годишен починат маж е пронајдено во Сремска Митовица, пишуваат српските медиуми.
Телото е пронајдено во селото Лаќарак.
Првичните резултати на истрагата укажуваат на тоа дека смртта настанала поради смрзнување.
Телото на смрзнатиот маж е пронајдено во атарот на селото Лачарак кај Сремска Миторвица. За попладне во Србија се најавени нови врнежи од снег, мерките на претпазливот при движење надвор остануваат во сила. Метеоролозите во Србија велат дека оваа зима ќе биде постудена од минатата.
Во Белград веќе 48 часа врне снег и има покривка од 40 сантиметри.
Делови од Балканот овие денови ги покри снег по 24 часа непрекинато врнење. Најмногу проблеми снегот предизвика во градот Бјелина, на исток во БиХ, каде што натрупа повеќе од половина метар снег., а во поизолираните места измерен е рекорд од 70 сантиметри во местото Рама, Општина Прозор.
Снег има во дел на Хрватска. Натрупан снег има во Горски Котар, Лика, Славонија, и во во северозападниот дел на државата.
фото Танјуг