Субвенции: Земјоделците од Полошко ќе добијат пет милиони евра
Објавено во: Економија 04 Април, 2015
На денешниот народен собир кој денес владеачката партија го одржа во Тетово , премиерот Груевски најави дека земјоделците од полошкиот регион ќе добијат пет милиони евра субвенции годинава.
Напоменувајќи дека за купување на земјоделска механизација и за изградба на локална инфраструктура во селата инвестирале 2 милиони евра, во тетовско-гостиварскиот регион во изминатите години земјоделците добија над 30 милиони евра субвенции, односно по околу 5 милиони евра годишно, премиерот рече дека оваа гдоина полошките земјоделци ќе добијат нови 5 милиони евра.
-Земјоделците се нашиот стратешки партнер кој секогаш ќе го има нашето полно внимание, посочи Груевски.
Значајно за овој регион, според Груевски, е и тоа што веќе започнаа активности за изградба на Хидросистемот Равен-Речица со кој ќе се овозможи наводнување на нови 3 200 хектари земјоделско земјиште и вредност на инвестицијата од 19 милиони евра.