СУСПЕНЗИЈА: Топлификација во стечај, со акцијата веќе нема да се тргува на берза

Добивај вести на Viber

Акцијата на Топлификација од денеска не се тргува на берза. Ја суспендираше Одборот на директори на Македонската берза на седницата одржана денеска. Акциите ќе бидат исклучени од котација поради стечајот на друштвото и со нив веќе нема да се тргува. 

Друштвото е во стечај а таа одлука ја донесе првостепениот суд месецов. И Топлификација објави денеска дека оваа недела го добиле решението за стечај кој беше отворен по баарње на Битар Холдинг Лимитед. Известија и дека во законски рок ќе вложи жалба до второстепениот суд на оваа одлука на првостепениот суд. 

„Во стечајот на ТЕ ТО АД кој фирмата го поднесе сама на себе, а кој беше подржан од доминантниот сопственик на ТЕ ТО АД, Битар Холдинг Лимитед, се отпишаа побарувања на Топлификација АД од над 30 милиони евра потврдени со одлука на Врховниот суд на Република Македонија. Барањето за стечај на Топлификација АД поднесено од Битар Холдинг Лимитед за долг од 1 милион евра, кои се искористени од ТЕ ТО АД и кои ТЕ ТО АД треба да и ги плати на Топлификација АД првостепениот суд го прифати не земајќи ги во предвид доказите презентирани во процесот, стои во нивното известување.