Светот брои над 2 милиона луѓе заразени со коронавирусот

Добивај вести на Viber

Бројот на заразени случаи со Ковид-19 од утринава надмина два милиона луѓе во светот. Според Универзитетот Џон Хопкинс, бројот на потврдени случаи изнесува точно 2.019.320, бројка регистрирана синоќа во 20.00 часот. Бројот на смртните случаи е 119.483.

Во САД има најмногу заразени луѓе. Податоците говорат дека потврдени позитивни случаи на коронавирусот во САД е 680.000, а регистрирана е смрт на 23.529, најмногу во Њујорк.

Во Европа, прва на листата е Шпанија каде се уште расте бројот на заразени, ја надмина и Италија која беше првиот епицентар на коронавирусот во Европа. Потврдени се  170 099, со повеќе од 17.700. И покрај ваквите податоци, земјата почнува да ги ублажува мерките, со цел да се даде шанса на економијата.Веќе од вчера, шпанската Влада им дозволи на некои компании да ги вратат на работа работниците.

Друга критична држава во Европа е се уште Италија, каде што бројот на инфицирани се ближи кон 160.000, а бројот на починати е над 20.000 луѓе. Според експертите, високата стапка на смртност во Италија е последица на стареењето на популацијата, бидејќи според статистичките податоци, таму има повеќе од 60% постари од 40 години.

Данска и Австрија исто така порачаа дека имаат намера да ги укинуваат мерките. Сепак, експртите предупредуваат дека е се уште рано за ваков чекор, зошто ова може да доведе и до втор бран на инфекција во земјите кои до сега не беа жестоко зафатени од пандемијата на коронавирусот.