Таки Фити: Кратенката МАНУ останува, по тоа не препознаваат
Објавено во: Македонија 27 Август, 2019
Академикот Таки Фити за „Алсат“ изјави дека кратенката МАНУ останува и кога ќе се промени официјалното име на академијата, затоа што светот ја препознавал по овој скратен назив, додека Грците немале проблем со тоа додека се преговарало за договорот.
Претседателот на МАНУ очекува промената на името официјално да биде завршена до почетокот на октомври.
„Деновиве треба законот да помине на Собрание. Името, ќе биде Академија на Република Северна Македонија-МАНУ. Ако до крајот на септември помине на Собрание, седум-осум дена по објавување во Службен весник ќе почне официјалното име“, изјави професорот во Охрид.
МАНу е една од стотиците институции кои подлежат на промена на името според спогодбата од Преспа.
„И да ви кажам Грците не се бунеа многу околу тоа. Ние им објаснавме бидејќи МАНУ е важно заради идентитеските прашања кои сега тие ги признаваат. Ние имаме и милиони референци на нашите веб-страници насекаде во светот и сега академија ја бараат под ману.еду.мк или маса.еду.мк. И сега ако тоа се сменеше, ќе имаше проблем како луѓето да нè пронајдат со милион референци“, додава Фити.