Телеком и Т-Мобиле со пад на приходи од говорни услуги, раст на интернет и IPTV сегментот
Објавено во: Мои пари 09 Август, 2013
Резултатите за работењето на Македонски Телеком и Т-Мобиле Македонија за првата половина од годинава покажуваат продолжување на трендот на пораст во интернет и IPTV сегментот, а драстично намалување на приходите од говорните услуги.
Според денешното соопштение од компаниите објавено на Македонска бера, во текот на првото полугодие од годинава година, приходите на ниво на Групација изнесуваат 6,3 милијарди денари што претставува намалување од 9,2 проценти во споредба со истиот период лани. Нето добивката е намалена за 39,5 проценти и изнесува 1,1 милијарди денари.
Во соопштението се наведува дека и покрај негативните трендови Македонски Телеком, според интерните проценки, зазема 71 процент од пазарот во сегментот на фиксна телефонија и 53 проценти во широкопојасниот интернет.
Наспроти падот на приходите од говорните услуги, расте интернет и IPTV сегментот. Приходите од интернет и дигитална телевизија преку интернет протокол (IPTV) се зголемени за 8 проценти во споредба со првото полугодие од минатата година. Фокусот на double и triple play пакетите, според соопштението, донел зголемување на DSL корисниците за 10 проценти со што корисничката база на DSL на крајот на јуни годинава е 180 илјади корисници.
- Иако Македонски Телеком, со IPTV услугата влезе како предизвикувач на пазарот што веќе беше доминиран од страна на операторите на кабелски телевизии постигна 58 проценти зголемување на бројот на IPTV корисници во споредба со крајот на јуни 2012 година. Како резултат на квалитетната услуга, интерактивноста и единственото ТВ искуство, корисничката база во вториот квартал достигна број од 80 илјади корисници, се вели во соопштението.
Оперативните расходи во првото полугодие од 2013 година, оценуваат од компанијата, остануваат релативно стабилни споредено со истиот период лани.
Според соопштението, Т-Мобиле Македонија останува лидер на пазарот на мобилната телефонија со 48,1 проценти удел според интерните податоци. Намалувањето на приходите се должи на намалувањето на приходите во говорните малопродажни услуги. Но, и покрај силната конкуренција, корисничката база на Т-Мобиле на крајот на јуни годинава е 1,2 милиони корисници.
Можеби ќе ве интересира
Нов елитен станбено деловен комплекс Порта Скопје by Adora – Општина Центар
Групација Триглав повторно доби висок кредитен рејтинг „А“ Во 2024 година, AM Best очекува успешно работење на Групација Триглав согласно последните години
Продавниците на Телеком нема да работат во текот на претстојниот викенд, на 5 и 6 октомври
„АЏИБАДЕМ СИСТИНА“ – РЕГИОНАЛЕН ВОДЕЧКИ ЦЕНТАР ЗА ИНТЕРВЕНТНА РАДИОЛОГИЈА
Првата работилница за родители од проектот „Крени глас“ на „Макпетрол“ утре ќе се одржи во „Песталоци“
ТАВ АЕРОДРОМИ: АВИОНСКОТО КАРГО НА СКОПСКИОТ АЕРОДРОМ СО ПОРАСТ ОД НАД 40 ОТСТО ОД ЈАНУАРИ ДО АВГУСТ
СРЕЌНИ ВЛТ ВЕСТИ: БЛАГОЈЧО КОЛАРСКИ Е ВЛТ МИЛИОНЕР, ОСВОИ 1.799.026 ДЕНАРИ
Fashion Group fall/winter ‘24: Натпросечно со стил со Тино и Атанас!
„Лесја Украинка“: Егзекуцијата на 16 воени заробеници и прашањата за почитување на меѓународните норми
