23 Мај, 2019
0.0384

ТЕМПЕРАТУРЕН ШОК: „Пролетта во ноември“ ќе удри по овошките и житариците

Објавено во: Македонија 08 Ноември, 2018

Почетокот на ноември донесе високи температури кои се над 20 степени, што буквално личи на пролет, но ваквото топло време негативно ќе влијае на одредени земјоделски култури. 

Први на удар ќе бидат житарицата и овошките затоа што првите не можат да се засеат поради суша, а нови овошни насади не може да се подигаат онаму каде нема систем за наводнување. На високи температури се развиваат и штетниците кои ги напаѓаат овошните дрвца.

„Овие временски услови кои сега ги имаме ќе се одразат многу негативно на земјоделството. Роковите за есенска сеидба течат, а нивите не можат да се ораат затоа што е суво, нема влага во почвата, немаше дожд. И она што ќе се засее не може да проникне, или минимално ќе никне. Нови овошни дрвца може да се засадат онаму каде има наводнување, систем капка по капка. Ќе се појават габични заболувања поради топлото време. Ние во Берово сега имаме температури од 13 до 15 степени, што обично не се случува во овој период од годината. Дури има и природни извори кои се пресушени. Сега е потребно да паднат големи количини дожд да се стабилизира состојбата“, вели Весна Севринска, агроном.

Претседателот на Сојузот на синдикатот на земјоделците во Струмичкиот регион, Ристо Велков објаснува дека поради топлото време има вегетација, и уште се берат домати и пиперки кај нив.

„За раноградинарските култури нема штети, уште се берат пиперки и домати. Штети ќе има за житата. Уште нема сеидба и таа ќе се пролонгира, додека да падне дожд. Но, мислам дека и да се сее во првата половина на декември, ќе биде во ред. Климата многу се смени и затоа ова се случува“, додава Велков.

Според УХМР и во следните три дена ќе имаме сончево време со мала до умерена облачност, по одделни котлини со појава на утринска магла. Температурите ќе се искачат до 22 степени.

Meтеорологот Славчо Попоски вели дека продолжува периодот на суво и стабилно време, без врнежи. Најавува сушен период, кој додава ќе биде штетен за земјоделството. 

Сања Атанасовска

Можеби ќе ве интересира

Богоевски: Благодарам на честа, овие две години да ви служам вам и на нашата држава

Богоевски: Благодарам на честа, овие две години да ви служам вам и на нашата држава

Доколку бил на местото на Крсто Мукоски ќе поднел оставка

Доколку бил на местото на Крсто Мукоски ќе поднел оставка

Фонтаните во централното градско подрачје се чистат и подготвуваат

Фонтаните во централното градско подрачје се чистат и подготвуваат

Јавноста ќе има увид за тоа колку троши Пендаровски

Јавноста ќе има увид за тоа колку троши Пендаровски

Функционер на ВМРО-ДПМНЕ удрил лекар во Прилеп

Функционер на ВМРО-ДПМНЕ удрил лекар во Прилеп

Заев по оставката на Богоевски: Човек што си ја сака земјата до небото

Заев по оставката на Богоевски: Човек што си ја сака земјата до небото

Савески: Павле требаше да знае дека кој со ѓаволот тикви сади...

Савески: Павле требаше да знае дека кој со ѓаволот тикви сади...

Груби: Жал ми е за Богоевски и за неговиот близок член од семејството

Груби: Жал ми е за Богоевски и за неговиот близок член од семејството

Јовески верува дека Интерпол ќе ја објави потерницата за Груевски

Јовески верува дека Интерпол ќе ја објави потерницата за Груевски