ТЕМПЕРАТУРИТЕ ОДАТ И ДО 26 СТЕПЕНИ! Значително затоплување во земјава

Добивај вести на Viber

Под влијание на продор на значително потопол воздух од југозапад, во Македонија следува период на значително потопло и променливо време со температури кои ќе бидат над просекот за овој период од годината. Особено високи температури за овој период од годината очекувам во периодот од 24 до 27 октомври кога максималните дневни температури на воздухот во нашата Македонија ќе се искачуваат во интервалот од 19 до 26 степени. И во Скопје  и околината температурата во погоре споменатиот период ќе надминува 20 степени, објави метеорологот Славчо Попоски.

„Како што кажав и претходно времето ќе биде многу променливо со повремен локален дожд а ќе дува  и слаб до умерен ветер од јужен правец. И во Скопје  и околината ќе има услови за повремен локален слаб дожд а ќе дува  и слаб до умерен ветер од јужен правец.

Поради ваквите нагли временски промени ќе имаме  и значително неповолни биометеоролошки услови па така наглите температурни промени особено негативно ќе се одразат кај метеопатите кај кои е можна појава на позначителни здравствени проблеми па токму поради ова апелирам метеопатите да ги слушаат советите од својот лекар поради тоа што пред нас и тоа како се големи и нагли временски и температурни промени.

Следните утрини ќе почувствуваме дека и минималните температури се повисоки, односно и наутро ќе биде потопло“, истакна тој.