ТЕСТИРАНИ СЕ СИТЕ ПРАТЕНИЦИ И ВРАБОТЕНИ ОД КОМИСИЈАТА ЗА БУЏЕТ: Позитивниот тест на Тимчо Муцунски ја одложи расправата за државната каса
Објавено во: Економија 07 Декември, 2020
Откако вчера беше објавено дека пратеникот од ВМРО-ДПМНЕ, Тимчо Муцунски, кој е и претседател на Комисијата за финансирање и буџет, е позитивен на коронавирисот, денеска седницта на Комисијата нема да почне во 11 часот како што претходно беше најавено.
Од Собранието соопштија дека ќе се чекаат резултатите од земениот брис од други пратеници од комисијата и вработени во неа.
„Почитувани, Комисија за финансирање и буџет нема да започне во 11 часот. Пред малку е завршено земање на брис од страна на Институт за јавно здравје на вработените во комисијата и на дел од пратениците кои биле во контакт со претседателот на комисијата Тимчо Муцунски.Веднаш штом пристигнат истите ќе бидете известени за времето на продолжување на работата на комисијата“, соопштија од Кабинетот на собранискиот спикер Талат Џафери.
Како што е познато, на Комисијата за финансирање и буџет се разгледува буџетот за идната година, за што се предвидени 10 работни дена.