Тевдовски: Пикот на јавниот долг ќе биде во 2020 година
Објавено во: Македонија 12 Ноември, 2018
Министерот за финансии, Драган Тевдовски вечерва во интервју на МТВ рече дека претходната Влада ја задолжила земјата, а сега тие прават финансиска консолидација.
Пикот на јавниот долг ќе биде во 2020 година, а потоа ќе се намалува, вели министерот.
„Работевме и на стабилизирање на јавниот долг. Целото управување беше Македонија кога има потреба да зема кредити со поволна камата“, вели Тевдовски.
Клучно за него е политика на деловна бизнис клима, која е ослободена од политички стеги.
Премиерот Зоран Заев изјави дека со плаќање на долговите на општините ќе се помогне за нивен раст.
Вели дека некои општини сега ќе добијат пари од колачот, а следната година други општини ќе имаат приоритет за добивање на средства за различни проекти.
Заев очекува добра економска година, говорејќи за 2019.
Според него, ќе има раст над 4%, а се надева дека понатаму ќе биде достигнат и ветениот раст од 5%.