„ТИ ДАДОВ ШАНСА ДА ДОЈДЕШ ВО АМЕРИКА, ДА ДОБИЕШ ДОБАР ФАКУЛТЕТ, ТОА НЕ Е ЗА ФАБРИКАТА“ - ексклузивен поткаст на Фактор со нашите иселеници Митре и Софи Кутановски
Објавено во: Македонија 24 Мај, 2024
Откако на 12 години отишол во САД со семејството, и веднаш почнал да работи, разнесувајќи весници, на 14 години се вработил во „Мекдоналдс“.
Вака Митре Кутановски, македонски иселеник кој присуствуваше на големиот Самит на Македонија 2025, ја раскажува својата животна приказна.
„Ги излажав дека имам 16 години. И така почна. Потоа станав и менаџер во Мекдоналдс. Газдата на мекдоналдс многу ме сакаше и ми велеше дека јас еден ден ќе имам свој Мекдоналдс. Но, тоа не ми беше интерес. Излегов од Мекдоналдс, отидов на факултет. Работев и во железарата US Steel, и откако го завршив факултетот, во таа фабрика станав и менаџер, односно супервизор, но немав интерес да седам во фабриката, бидејќи таму работеше татко ми. И тој еден ден ми рече, браво дете, ти дадов шанса да дојдеш во Америка, да добиеш добар факултет, не ти треба да бидеш со школо тука во фабриката. Надвор беше можеби 90 степени, по Фаренхајд, а јас толку се оладив од тоа што ми го рече татко ми, си реков, морам да барам друга функција. И така се запознав, преку еден добар пријател, кој потоа ми станса и добар другар, со компанијата Американ експрес. Станав финансиски советник, и потоа добив бројни унапредувања“, вели Митре Кутановски во поткастот на Фактор, кој го емитуваме денеска.
Не пропуштајте, гледајте го поткастот на Фактор.