ТРАМП ГО НАПАДНА ТЕРМИНАТОР: Твитер војна на претседателот со Шварценегер

Добивај вести на Viber

Новоизбраниот американски претседател Доналд Трамп решил да му се одмазди на славниот актер и поранешен гувернер на Калифорнија Арнолд Шварценегер, па го нападна на Твитер.

Тој го критикувал поради рејтингот во ријалити емисијата „Шегрт“, каде Терминатор на местото водител го заменил токму новиот шеф на Белата куќа.

Филмска ѕвезда

-Вау, рејтинзите стигнаа и Арнолд Шварценегер е „закопан“ (или уништен) во споредба со рејтинг машината Доналд Трамп. Толку за тоа што некој е филмска ѕвезда-а тоа е првата сезона во споредба со 14. Но на кого му е гајле, тој ги поддржа Кејсик и Хилари“, напиша Трамп на Твитер.

Од овие твитови е јасно дека Трамп, кој и понатаму е извршен продуцент на емисијата, иако своето место водител на „Шегрт“ му го препуштил на боди билдерот, не му простил што не бил со него во кампањата. Шварценегер го поддржал Џон Кејсик на внатрепартиските избори на Републиканската партија, а тогаш изјавил дека прв пат нема да гласа за републикански кандидат од доселувањето во САД од Австрија, бидејќи не се сложува со изјавите на Трамп и ставовите во врска со мигрантите и жените.

Меѓутоа, по победата на Трамп, Арнолд на сите кои протестираа против него им порача да престанат да кукаат и да се помират со поразот.

-Ти посакувам среќа и се надевам дека ќе работиш за сите Американци исто толку агресивно како што работеше за рејтингот. Не постои ништо поважно од работата за народот-му одговорил Арнолд на Трамп на Твитер.

Но, не се задржал тука, му порача и дека проучи еден говор од американскиот претседател Абрахам Линколн:

-Ние не сме непријатели, туку пријатели. Не смееме да бидеме непријатели. Иако страста е затегната, не смее да ги скрши нашите врски.

Инаку, Терминатор на местото водител на „Шегрт“ во првата епизода привлекол 4,9 милиони гледачи додека Трамп пред две години имал 6,5 милиони.