ТРАМП НАЈАВУВА ПРЕСВРТ: НАТО е застарен, треба да го реорганизираме!

Добивај вести на Viber

Доналд Трамп најави дека, доколку победи на изборите на 8 ноември, ќе направи силен пресврт во оснос на етаблираната американска надворешна политика.

Претендентот на номинацијата на Републиканската партија на изборите за претседател на САД рекол меѓу останатото дека би го реогранизирал НАТО и можеби ќе престане да купува нафта од Саудиска Арабија.

Само неколку дена пред Нуклеарниот безбедносен самит во Вашингтон, чиј домаќин ќе биде Барак Обама, а на кој ќе присуствуваат 56 делагации, Трамп ја „удвои“ својата критика на НАТО, алијансата која со децении беше камен-темелник на американската надворешна политика и побара негова реорганизација.

„НАТО застаре“, рекол Трамп во емисија на телевизија ЕјБиСи, велејќи дека алијансата е основана во друго време, кога главна закана за Западот бил Советскиот сојуз.

НАТО денес не е погоден за борба против тероризмот и премногу ги чини САД и затоа треба да го намалиме и реорганизираме, рекол тој.

Во интервју за Њујорк Тајмс Трамп исто така рекол дека, доколку стане претседател, ќе ја разгледа можноста на Јапонија и Јужна Кореја да им дозволи да развиваат сопствено нуклеарно оружје наместо да се потпираат на заштита на САД против Северна Кореја и Кина, што исто така претставува големо отстапување од стандардните американски политики.

Американскиот милијардер, како што вели, би можело да го запре купувањето на нафта од Саудиска Арабија и другите арапски земји доколку тие не испратат копнени трупи во борбата против Исламска држава или би платиле САД тоа да го направат.

Неговиот ривал во борбата за номинација на Републиканската партија Тед Круз рекол дека Трамповите идеи за НАТО се „катастрофално будалести“.