Трамп останува без шефицата за комуникации
Објавено во: Свет 01 Март, 2018
Администрацијата на претседателот Доналд Трамп ќе претпи нов бран на реконструкција откако е сосема извесно дека Хоуп Хикс која со него беше уште на почетокот на претседателската кампања ќе се поднесе оставка од позицијата директор на комуникации.
Хикс е сосема јасно дека мора да се повлече од оваа функција поради скандалот кој изби со нејзиното момче Роб Портер исто така поранешен советник на Доналд Трамп кој неодамна си поднесе оставка. Двете поранешни жени на Портер излегоа јавно во медиумите и открија дека биле физички и психички малтретирани од него, а втората сопруга покажа и фотографии од нејзиното помодрено лице кои ги направила за доказ во нејзина судска постапка.
Најпрво Трамп не сакаше да го осуди Портер за неговите постапки, а Белата куќа тврдеше дека оставката е дадена од морални причини, а не кривично-правни. По бурата која се создаде во медиумите и Хоуп Хикс е принудена да се повлече од функцијата која досега неславно ја водеа повеќе личности во многу кратки интервали. Најлошо помина Ентони Скарамучи кој директор на комуникации на Белата куќа беше само 10 дена.
Хоуп Хикс е инаку една од најблиските пријателки на Иванка, ќерката на Доналд Трамп, а започна како менаџер за социјални медиуми во текот на кампањата во 2016 година за потоа да ја добие една од најмоќните позиции во Белата куќа на само 28 години.