Трет оглас, трета среќа: До пописот уште малку, кој сака да попишува за повеќе од 500 евра

Добивај вести на Viber

Ќе успее ли Државниот завод за статистика да најде доволно реонски попишувачи за Пописот на населението, домаќинствата и становите 2021.  Пописот треба да се одржи од 1 до 21 април, но на двата огласа кои Заводот го објави претходно не се пријавија доволно попишувачи. Последниот оглас трае до утре. 

„Повикот се однесува само за реоните каде недостасуваат попишувачи, а со цел да се запази принципот дека секое населено место ќе има локален попишувач кој го познава местото и населението што живее таму, како и да има доволно попишувачи кои можат процесот да го спроведат на јазиците кои се загарантирани со Уставот на Северна Македонија, стои во известувањето од Државниот завод за статистика.

На повикот имаат право да се пријават и кандидатите кои се пријавија на претходниот повик за попишувачи, но не беа во можност да присуствуваат на тестирањето.

Приоритет во спроведување на сите фази од пописот е здравјето на попишувачите. Со таа цел, усвоен е Протокол за превентивни мерки при спроведување на Пописот, а со доследно почитување на истиот, попишувачите но и сите граѓани можат да бидат сигурни дека попишувањето ќе биде спроведено безбедно.

Инаку по 35 илјади денари ќе добијат оние кои ќе го спроведуваат попишувањето на терен. 

Според податоците на Државниот завод за статистика, фалат реонски попишувачи во речиси сите општини во земјата. Само во Охрид недостигаат 127 реонски пошишувачи и тоа 108 Македонци, 12 Албанци и 8 од ромска националност. Најмногу реонски попишувачи фалат во скопската општина Аеродром – 139, следат Карпош – 109, Центар 108, Тетово 101, Гази Баба 100…