ТРИ СТАНА ВО СКОПЈЕ, АКЦИИ И КРЕДИТ: Каков имот поседува актуелната вицегувернерка Ангеловска-Бежоска и можна наследничка на Богов?
Објавено во: Економија 18 Мај, 2018
Актуелната вицегувернерка во НБРМ Анита Ангеловска-Бежоска е можна идна наследничка на гувернерот Димитар Богов чиј мандат истекува на 20 овој месец.
Во имотниот лист Ангеловска-Бежоска пријавила три стана . Од нив два се водат на име на брачен другар а еден на нејзино име.
Трите станови се во главниот град и се стекнати преку договор за купопродажба.
Два од трите станови се проценети на над 6 милиони денари а еден е проценет на 4 милиони денари.
Според анкетниот лист и податоците достапни на сајтот на Државна комисија за спречување корупција дамата која можеби ќе биде прва жена гувернер на чело на НБРМ има моторно возило Хонда Акорд но на име на брачен другар.
На сопствено име Анита Ангеловска-Бежоска пријавила приходи од експертски услуги за ММФ и две трансакциони сметки во НЛБ банка . На едната од нив има 1.367.566,90 денари, додека на другата 105.330,00 денари.
Од имотната состојба се гледа дека вицегувернерката пријавила и акции на име на брачен другар во вредност од 3.497.886,30 денари.
Ангеловска-Бежоска има и кредит од 3.444.163,00 денари кој е исто така на име на брачен другар.
КОЈА Е Анита Ангеловска-Бежоска можната наследничка на гувернерот Богов?
И.С.