Три жени убиени во дом на ветерани во САД, напаѓачот мртов
Објавено во: Свет 10 Март, 2018
Во калифорнискиот дом за ветерани кои боледуваат од посттрауматски стрес, се пронајдени мртви три жени заедно со убиецот, кој претходно ги држел како заложници.
Вооружениот напаѓач, идентификуван како Албер Вонг, поранешен член припадник на пешадијата на американската армија, влегол во домот и држел три жени како заложници во најголемиот дом на ветерани во Јунтвил, 85 километри северно од Сан Франциско, објави АП.
Четири тела беа откриени по осум часа откако вооружениот напаѓач влегол во дел од објектот каде што се одржуваше забава по повод заминувањето на еден од вработените од домот во кој се лечат војници кои што се бореа во Ирак и во Авганистан.
“Сеуште е рано да се соопшти дали жртвите се избрани случајно, бидејќи истрагата сеуште не го определила мотивот“, објавија полициски службеници.
Во куќата имало околу 1.000 луѓе, соопшти агенцијата АП.