Ципрас: Грчките телевизии должат данок над 40 милиони евра
Објавено во: Балкан 03 Април, 2015
Грчките телевизии ќе мора да платат 40 милиони евра стари даночни обврски, објави владата во Атина.
Од кабинетот на Алексис Ципрас ќе побараат данок од 2 отсто од прометот на телевизиите, кој не се собира од 2011 година. Тоа значи дека бесплатните телевизиски канали ќе платат 24.1 милиони евра, а 16.6 милиони евра ќе дојдат од каналите кои се платени.
Телевизиските компании сметаат дека не треба да плаќаат никакви даноци, бидејќи политичките партии имале можност за бесплатна реклама, благодарение на законот од 2002 година.