Ципрас: Ќе продолжиме да и плаќаме на ММФ

Добивај вести на Viber

Грчкиот премиер Алексис Ципрас, изјавил дека земјата ќе продолжи да ги плаќа своите обврски кон Меѓународниот монетарен фонд (ММФ).

Неколку часови откако портпаролот на владејачката партија „Сириза“ Никос Филис изјавил дека Атина може и да не го плати долгот од 300 милиони евра, ако нема постигнато договор, премиерот Ципрас го демантираше.

„Не грижете се за тоа“, изјавил Ципрас. „Ние досега сме платиле 7,5 милијарди евра, и ќе продолжиме да го правиме тоа и во иднина“, додал тој.

По средбата со претседателот на Европската комисија Жан-Крлод Јункер премиерот исто така изјавил дека договорот со кредиторите се очекува наскоро. Во раните утрински часови на денешниот ден заврши средбата меѓу нив, на која присуствувал уште и претседателот на Еврогрупата Јерун Деиселблум.

„Ние сме многу блиску до договор за примарниот суфицит. Тоа значи дека сите земји се согласиле да продолжат без тешките мерки за штедење од минатото“, изјавил Ципрас по разговорите.

Во исто време агенција „ТАСС“ соопшти, повикувајќи се на свои извори дека прашањата поврзани со грчката задолженост нема да бидат на посебна тема на самитот на земјите од Г-7. Таа започнува во недела во баварскиот замок „Елмау“.