Црна Гора без референдум за членството во НАТО
Објавено во: Балкан 15 Декември, 2015
Црна Гора нема да направи референдум за членството во НАТО. Ова го соопштил премиерот Мило Ѓукановиќ, и прецизирал дека не постои законска обврска, ниту политичка неопходност за спроведување на анкетата.
Црногорскиот устав не предвидува организирање на референдум во случај на членството на земјата во Алијансата, објаснил тој пред парламентот, цитиран од агенциите.
„Во случај на членство во НАТО, Црна Гора не губи суверенитет, ниту пренесува некои од своите права на меѓународната организација. Прашањата за членство во меѓународните организации, односно и за НАТО, е со овластувањата на парламентот, кој ја претставува волјата на граѓаните“, коментирал Ѓукановиќ.
Речиси две третини од пратениците ја поддржуваат интеграцијата на Црна Гора во НАТО, беше јасно од зборовите на црногорскиот премиер.