ТУРЦИЈА НЕ СЕ ПЛАШИ ОД ЗАКАНИ: Можат да ги неутрализираат
Објавено во: Балкан 25 Февруари, 2018
Турскиот премиер Бинали Јилдирим изјави дека Турција може да ја „неутрализира секоја закана“, пишува грчкиот весник „Катимерини“.
Турскиот провладин весник „Стар“, таа изјава ја гледа како „индиректна закана и предупредување за Кипар и Грција“.
Јилдирим, при претставувањето на новата подморница во Мармарис рекол дека „додека Турција се бори против тероризмот и на домашно и на меѓународно ниво, некои сакаат да ја искористат ситуацијата, смислувајќи разни планови и замки во Егејското и Средоземното Море“.
Премиерот рекол дека, „без оглед за каква закана станува збор, Турција има начини и средства за да ја отстрани“.