Турист загина во сообраќајка во Охрид, уште двајца тешко повредени
Објавено во: Македонија 16 Август, 2020
Турист загина во сообраќајна несреќа во Охрид синоќа час и пол по полноќ на патот кон Св.Наум, на крстосницата за комплексот „Инекс“, додека го возел своето друштво во доцните вечерни часови.
Се работи за 27-годишен битолчанец кој управувал „Цитроен Ц3“, со битолски регистарски ознаки. Од здобиените тешки телесни повреди, И.К. починал во болницата „Св.Еразмо“.
Тој удрил во „голф“, со охридски регистарски ознаки, управувано од А.А.(23), од охридското село Лескоец и „фолксваген пасат“, со прилепски регистарски ознаки, управувано од Б.А.(26) од прилепското село Мало Коњаре.
Со тешки телесни повреди се здобиле и сопатниците на починатиот - М.С.(27) од Битола и И.М.(23) од Струга, кои биле префрлени во скопската клиника, каде биле пренесени и уште едно лице од Битола, кое е пренесено во болницата „Св.Еразмо“ во Охрид. но засега не се знае идентитетот на четвртиот патник. Имало уште еден сопатник - девојка со иницијали Д.Р.(25) од Скопје, која немала тешки телесни повреди, но била префрлена во локалната болница.
Возачите и останатите патници од другите возила не се со тешки телесни повреди, односно минале со контрола и домашно лекување.