ТУРИСТИТЕ СЕ ПООГОРЧЕНИ ОД ХРВАТСКА: Цените „изгор“, угостителите мамат!
Објавено во: Балкан, Стил 22 Јуни, 2016
Хрватскиот бисер на Балканот е незаменлив, меѓутоа хрватските угостители се повеќе мамат на цените, пренесуваат локалните хрватски медиуми како „Слободна Далмација“.
Ако мислевте дека соседна Грција е скапа, тогаш за Хрватскиот Јадран нема што да се каже, доволно е само да се погледнат цените во рестораните.
Доколку летово одморот го резервиравте за туристичките места на Јадранот, почнувајќи од Ровињ, па до Дубровник, имајте предвид дека цените се движат вака:
- појадок со две пржени јајца и малку шунка – 110 куни (15 eвра)
- обична пица – 90 куни (12 евра)
- салата со туна – 115 куни (15.30 евра)
- порција мешана скара – 120 до 150 куни (16 до 20 евра)
- капучино – 35 куни (4.70 евра)
- нескафе – 40 куни (5.30 евра)
- 200 мл точено пиво – 18 куни (2.40 евра)
- зелена салата – 60 куни (8 евра)
- чаша домашно вино – 35 (4.70 евра)
Немојте ни да се изненадите ако до пред месец дена сте плаќале двојно помала цена во истите места, бидејќи во некои ресторани, кафулиња, слаткарници и сл., има и до 300 отсто поскапени цени.
Во центарот на градот десетици ресторани ги лажат гостите така што во менито им нудат лигњи, а им сервираат лигњуни. Набавната цека на лигњите е од 100 до 120 куни (13.30 до 16 евра), а на лигњуните 15 до 20 куни (2 до 2.70 евра). Па, сега вие видете за каква измама се работи. Еден наш угостител купи од Истра неколку тони лигњуни, одма ги исече и ги замрзна и сега цело лето ги продава како пржени прстени од каламари и порција наплаќа 80 до 100 куни (10.7 до 13.30 евра). Гостите не разликуваат, па тој само од еден килограм лигњуни заработува повеќе од 50 евра – раскажува за весникот угостител од Дубровник.
Но и покрај зголемениот данок на одредени услуги во соседна Грција, македонските граѓани, го избираат Егејот а не Јадранот како место каде ќе ги постелат пешкирите летово на одмор.
Ниски цени, чисто и топло море, подобар пат, поблиску е, но и голем избор на места и сместувања, се главните причини, сметаат туристичките работници, што нашите граѓани летуваат на Егејското или Јонско море.
Сепак и Грците во јуни се разбудија пиејќи поскапа шолја кафе и гледајќи поскапа ТВ програма.
Зголемувањето на данокот ќе влијае на цените во ресторани, кафичи, супермаркети, цени на интернет, фиксни телефони и ТВ претплати, но сепак незначително поскапување за туристите кои сепак решаваат да летуваат на грчките плажи.