ТУРИСТИТЕ СЕ ПОРАЗОЧАРАНИ ОД ХРВАТСКА: Цените кренати до „плафон“
Објавено во: Балкан 20 Јули, 2016
Не престануваат реакциите на двојниот ценовник, за домашни и странски гости во Хрватска.
Се работи за кафичот „Роки бар“ во кој странските туристи две „капучина“ морале да ги платат дури 76 куни или 10 евра! Токму таа приказна завршила во јавноста, а веста ја пренесоа и германските медиуми, што не им оди во прилог на хрватските угостители и целокупен туризам.
По пат на мејл се јавија туристи од Германија незадволни од двојниот ценовник од Ровињ, како би порачале дека токму поради тоа нема да летуваат во Хрватска-Бернд Вегнер од Берлин одлучил летувањето во Хрватска да го замени со оние на грчките острови.
„Денес во германските медиуми прочитав дека некои хрватски ресторани нудат кафе по два посебни ценовници. Еден за домашните, а друг за странските гости, како во неразвиените земји. Моето семејство овој викенд одлучуваше каде ќе одиме на летување. Имавме две можности-Хрватска или Грција. Но, поради ова одлучивме да одиме во Грција бидејќи не сакаме некој да не мами. За сите држави во Европската унија важи законот кој вели дека е забрането да се има различни цели за локалци и странци. Се надевам дека многу луѓе ќе дознаат за ова и ќе ја избегнуваат Хрватска во иднина ддека на тоа не се стави крај-напиша овој разочаран германски турист.