ТУРИСТИТЕ ВО ЦРНА ГОРА ЌЕ СЕ ЛЕКУВААТ БЕСПЛАТНО АКО СЕ ЗАРАЗАТ СО ВИРУСОТ: Владата донесе ваква одлука
Објавено во: Балкан 08 Мај, 2021
Црногорската
влада веќе донесе одлука според која странските туристи кои летниот одмор би го
минале на Јадранското море во оваа земја, да добијат бесплатно болничко
лекување доколку за време на претстојот се заразат со корона вирусот.
Пред отворањето на туристичката сезона, вкластите во Црна Гора ги финализираа здравствените протоколи и во наредниов период тие ќе бидат дистрибуирани до сите туристички субјекти, како и до странските амбасади.
-Владата донесе одлука туристите кои ќе се разболат од ковид-19 за време на престојот во Црна Гора и ќе бидат хоспитализирани да бидат лекувани на сметка на државата, изјави министерката за здравство на Црна Гора, Јелена Бојовиќ за „Вијести“.
Освен тоа, странските туристите ќе имаат и можност за правење тестови во приватни лаборатории, а според одлуката на црногосраката Влада, сите хотелиери ќе одвојат 10 проценти од капацитетот за можни случаи на ковид-19.