Турски државјанин фатен со непријавени 31 илјади евра, сакал да премине граница
Објавено во: Македонија 01 Април, 2023
Државјанин на Турција вчера е уапсен на граничниот премин Табановце бидејќи не пријавил голема количина на пари.
Како што објави МВР, тој во возилото имал сокриено 31 илјада евра, кои не ги пријавил на граница, поради што тој е задржан, а средствата се предадени на Царинската управа.
- На 31.03.2023 на Граничен премин Табановце од страна на полициски службеници од Полициска станица Табановце е извршен преглед на патничко возило „порше кајен“ со романски национални ознаки, управувано од Ј.О.(60) од Република Турција.
При прегледот во возилото се пронајдени и одземени непријавени парични средства во износ од 31.000 евра. Паричните средства се предадени на Царинска управа, а лицето е предадено и задржан за понатамошна постапка и по целосно документирање на случајот против него ќе биде изготвен соодветен поднесок - се наведува во соопштението на МВР.