„Турски поток“ би требало да отвори 20 000 работни места во Грција
Објавено во: Балкан, Економија 01 Јуни, 2015
Вредноста на грчкиот дел од „Турскиот поток“ ќе биде 2 милијарди долари. Ова го изјавил грчкиот министер за енергетика Панајотис Лафазанис во интервју за телевизијата „Русија 24“.
Според него реализирањето на проектот ќе овозможи создавање на 20 000 работни места во Грција, што ќе биде од корист за економскиот развој не само на земјата туку и на целиот регион.
„Има огромен интерес од грчките компании кон објектот и понатамошното користење на гасоводот. Сега ние веќе знаеме дека со ова прашање ќе се занимава грчка државна компанија. Нешто повеќе, решено е и прашањето со финансирањето. Јас го ценам инфраструктурниот проект на околу 2 милијарди долари“, изјавил Лафазанис.
„Тоа е премногу важен момент за грчката економија, која доживува комплексни времиња. Сето ова ќе биде од корист за грчкиот народ“, убеден е Панајотис Лафазанис.
Потсетуваме дека според рускиот весник „Коммерсант“ изгледите за излегувањето на гасоводот „Турски поток“ зад пределите на Турција стануваат се помалку реално.
Македонија и Србија најавија дека ќе се усогласат со ставот на Европската унија.