ТУРЦИЈА БРОИ ЗАГУБИ-Минусот поради Русите расте
Објавено во: Балкан, Економија 07 Декември, 2015
Сценариото на најлоши односи, односно „нулти односи“ со Русија, ќе ја чини Турција околу девет милијарди долари, оценил поптпретседателот на турската влада Мехмет Шимшек.
Актуелните тензии веројатно ќе го намалат и бруто домашниот производ за 0,4 одсто, рекол Шимшек за НТВ.
Турската влада би можела, според неговите зборови, да преземе „корективни чекори“ на планот на зголемување на минималната заработка, но, како што рекол не е спремна да го преземе целокупниот терет на раст на трошоци, пренесе Ројтерес.
Москва воведе низа економски мерки против Анкара после турското соборување на рускиот борбен авион на сириско-турската граница на 24 ноември.
Турските произведувачи на овошје и зеленчук веќе бележат загуби поради ембаргото на увозот кој Русија и го воведе на Турција, а санкциите предизвикаа значителен пад на цените на домашниот пазар.