ТУРЦИЈА: Нема да соработуваме со Русија во борбата против ИСИС
Објавено во: Свет 26 Декември, 2015
„Се додека на власт во Сирија е претседателот Башар ал Асад, ние нема да соработуваме со коалицијата Русија-Сирија-Иран-Ирак во борбата против терористите на Исламската држава” – изјави денес турскиот претседател Реџеп Таип Ердоган.
Ергодан изјави дека му рекол на рускиот претседател Владимир Путин дека не може да седи до „лидерот на режимот”, бидејќи неговата легитимност тој не ја признава.
Говорејќи за турските војници во Ирак, Ердоган истакна дека тие таму се наоѓаат за да ги обучуваат борците против терористите и тоа на молба на ирачките власти.Турскиот претседател ги повика земјите од Блискиот Исток да се обединат за да се спротивстават на заговорот за разгорување на меѓурелигиското непријателство во регионот.
Тој изјаци дека ако земјите ги здружат силите ќе успеат да го уништат заедничкиот непријател.