Турција одлучи да не воведува визен режим за руските државјани
Објавено во: Балкан 05 Декември, 2015
Во моментов Турција нема намера да воведе визен режим за Русите во одговор на санкциите на Москва, соопштуваат од од Турската амбасада во Москва.
"Турција го смета рускиот народ за пријателски и има желба да продолжат добрите односи. Земјата нема намера да донесува одлуки кои имаат негативно влијание врз рускиот народ. Во врска со ова, во моментот на дневен ред не е воведувањето на визниот режим" - објавија од Турската амбасада во Москва, одговарајќи на прашањето дали Анкара ќе воведе визи за Русите, по аналогија со одлуката на Москва.
"Турција, и покрај сè, продолжува се однесува кон руските граѓани во земјата во согласност со својата традиција на гостопримство и почит" - се истакнува во соопштението.
Претходно беше објавено дека Русија, од 1-ви јануари 2016 година го запира безвизниот режим за турските граѓани. Оваа мерка беше донесена откако Турција го собори рускиот авион СУ-24.
Спогодбата за условите за заемни патувања на граѓаните на двете земји беше потпишана меѓу владите на Русија и Турција на 12 мај 2010 година во Анкара и влезе во сила на 16 април 2011 година.
Според договорот, за влегувањето, излегувањето или транзит и престој на територијата на друга земја во рок од 30 дена од денот на влегувањето на граѓани на Русија и Турција, е доволно да имате валиден граѓански или службен (посебен) пасош. Во исто време вкупниот престој на територијата на друга земја не треба да надминува 90 дена во период од 180 дена.