Турција тоне се подлабоко, кој ќе внесе капитал?
Објавено во: Балкан 22 Јули, 2016
Aмериканската агенција S&P го намали кредитниот рејтинг на Турција од BB+ на BB, што е две нивоа под инвестициониот статус.
„После обидот за пуч во Република Турција од 15 јули, веруваме дека поларизацијата на турското политичко опкружување додатно ги поткопа институционалните механизми на контрола. Освен тоа, очекуваме период на зголемена неизвесност која би можела да го ограничи приливот на капитал во Турција, доколку наголемо се потпира на надворешното финансирање“, се наведува во соопштението на S&P.
Освен уривањето на кредитниот рејтинг за задолжувањата во домашната и странска валута, S&P ги промени и изгледите на Турција од „стабилни“ на „негативни“.
„Негативните изгледи го одразуваат нашиот став дека економската, фискалната, и должничката ситуација во Турција би можела да се влоши повеќе одтколку што очекуваме, доколку политичката неизвесност допринесе на додатно слабеење на инвестиционото опкружување“, дополнуваат од агенцијата.
S&P, исто така, проценува дека Турција мора да репрограмира нешто помалку од половина од својот вкупен надворешен долг-кој се проценува на околу 170 милијарди долари-во наредните 12 месеци.